di Claudia Loi
Su cultu de Salvador d’Horta, su santu a chie est intituladu s’Assòtziu, est unu de is prus fungudos in Catalugna e in Sardigna, istabilessende unu vìnculu forte meda intre custos duos territòrios de s’antiga Corona de Aragona.
Duos annos a como s’est oberta una lìnia de chirca interdisciplinària in is campos de s’arte e de s’agiografia a subra de custu personàgiu e s’influèntzia sua in s’istòria e s’arte in època moderna.
Sara Caredda e Ramon Dilla, chircadores de s’Universidade de Bartzellona, ant a presentare is resurtados de sa chirca in forma de arrexonada.
S’àutu at a tènnere su chenàbura imbeniente 13 de su Mese de Idas a sas 7 de sero. Pro s’ocurrèntzia, amus a fàghere unu brìndisi pro sa Pasca de Nadale augurende·nos festas bonas!
