immagine del 1957
di Anna Maria Sechi
Su carrasegare de Binche est su prus antigu de su Belgio, sa particolaridade sua est su Gilles, custumine chi at su capellu fatu dae sas piumas de s’istrutzu. Bestire su custumine de su Gilles est un’arte e unu trabagliu de carchi ora, ca su bustu andat imbutidu a paza a deinanti e a deisegus, sa giuba est tenta in chintu dae unu zinturone totu a campanas , sos zoculos sunt de linna. Isfilant semper a sonu de tamburu e a passu de danza passant in corteo imbolende aranzos. Sas cumpagnias de sos Gilles sunt mannas meda, nde podent faghere parte solamente sos chi sunt naschidos in sa zona, su prus sunt traditziones de familias chi sunt Gilles dae generatziones. Su carrasegare de Binche dae s’annu 2003 est riconnotu patrimoniu de s’umanidade, bonu carresagare a totu.
