di Tonino Mulas
Sa retza de sos sardos peri su mundu, in tempos de crisi e globalizaztione, est una sienda manna pro totus. Cherimus abbarare abbistos sighinde a mantenner s’attentzione nostra cara a sa Sardigna de oe, a sos problemas suos e a s’isula nostra semus offerende s’impinnu de sos sòtzios prosu tempus benidore, sighinde a fagher nou su ruolu nostru, chirchende de trabagliare paris, in manera chi crescat galu de prus sa calidade de su volontariadu e chi totus lu potant connoscher e appretziare. Tenimus in cussideru mannu sa prenda de s’esperientzia e de sa solidariedade chi nos benit dae s’istoria de su disterru organitzadu in Italia e in su mundu intreu. Custu est su programma de su Congressu de sa FASI (su cuintu): sa Federatzione de sos tzirculos sardos in Italia aparitzadu cun su traballu de su comitadu diretivu e s’esperientzia de sos presidentes. Invitamus totus sos sardos, non solu disterrados, sas familias, sos istudiados, sos politicos, a faeddare cun nois. Amus seberadu de fagher custu documentu iscritu fintzas in limba sarda a distimonz de sa batalla chi semus faghende totus pro la torrare a imperare in sa vida de donzi die.
