![PASTORE SARDO ANNI '50 dae DE AMORES, Domus de Janas Editore, 2004](http://tottusinpari.blog.tiscali.it/files/2010/10/PASTORE-SARDO-ANNI-50.jpg)
dae DE AMORES, Domus de Janas Editore, 2004
di Cristoforo Puddu
(dae DE AMORES, Domus de Janas Editore, 2004)
Su pastore
at irruatadu,
ispredighinadu,
cunzadu
sas tancas de peleas.
At murtu sicagna,
ingullidu miséria
e maleitu sas istajones
chi fitianas
li sinzan sas carres
cun dies chentza rendha.
Su pastore
no at peràulas
de intregare a sos bentos:
su mudìmine ‘e sempre
l’at acorriadu su coro!
E puru -reberde-
at sighidu chentza pasu
in camineras de traschia
sos tràvigos illacanados
ifatu a s’ama,
mischiendhe sàmbene e suore,
pro atatare custa Terra
ue no atichin sas isperas,
ue sos Deos
an pérdidu s’atza
e su corazu ‘e bardaneris,
ue sos muitzos lacajos
an dantzadu in sas intragnas
de una Sardigna chentza podere
sa callabbia de aficos foranos.
-E nachi in Teulada
si sestat sa paghe!
in Otana
bi rebudhit traballu!
sas rocas nudas
las mudat su tzimentu!-
Ma su pastore
est traballu ‘e unu pòpulu,
apeutadu, mai bìnchidu!
ODE A SU TRABALLU DE SU PASTORE
(dae DE AMORES, Domus de Janas Editore, 2004)
Su pastore
at irruatadu,
ispredighinadu,
cunzadu
sas tancas de peleas.
At murtu sicagna,
ingullidu miséria
e maleitu sas istajones
chi fitianas
li sinzan sas carres
cun dies chentza rendha.
Su pastore
no at peràulas
de intregare a sos bentos:
su mudìmine ‘e sempre
l’at acorriadu su coro!
E puru -reberde-
at sighidu chentza pasu
in camineras de traschia
sos tràvigos illacanados
ifatu a s’ama,
mischiendhe sàmbene e suore,
pro atatare custa Terra
ue no atichin sas isperas,
ue sos Deos
an pérdidu s’atza
e su corazu ‘e bardaneris,
ue sos muitzos lacajos
an dantzadu in sas intragnas
de una Sardigna chentza podere
sa callabbia de aficos foranos.
-E nachi in Teulada
si sestat sa paghe!
in Otana
bi rebudhit traballu!
sas rocas nudas
las mudat su tzimentu!-
Ma su pastore
est traballu ‘e unu pòpulu,
apeutadu, mai bìnchidu!
Custa ammentu in poesia sarda de Cristolu pro sa vita e su pastore este armonia braghera e cummovet. B’este chie tenet su donu de s’artista chin su pinzellu e chin sos colores e chie chin sa paraula o sa pinna. Este però zustu de dare a oniunu su chi este suo. Custa bella immazine de pastore, este un’opera de tziu Anzelinu Derosas ,mastru de votografia a tottu tundu. Tzitadinu de adozione de sa cittade de Savona, de candho pisercu este devitu emigrare ,dae prus de sessanta annos dae Orosei. Mancari este imbezzandhe, tenet prus de ottant’annos, e s’arte sua este sa votografia e sos filmes ziratos in Sardinna dopo s’urtima gherra. A fine istiu, onzi annu , armatu de macchina votografica e cinepresa, sichit s’opera e rezistrat sos cambiamentos de sa zente e de su loccu suo, mai irmenticatu. Si non intervenit carchi istituzione a lu valorizzare e a los restaurare, si rischiata de los perdhere pro sempere. Este una grandhe richesa vratzile e pressiosa. S’iscola Elementare e su Centro Studi Guiso de Orosei, atta azzuatu a li pubblicare peri una monografia e unu libru. Ma tenete galu tantas cosas de nos facchere connoschere. TOTTUS IN PARI pottet azzuare a facchere connoschere s’opera de tziu Anzelinu? Sa votografia de su pastore est’ istata atta in Orosei , in irverru de su 1960 circa, de palas a unu pastore barbaricinu, imbertu chin su bestiamene de su monte a sa bassura, in oru e mare. A menzus dies.
Ciao Cristoforo
Potete inviarmi una versione italinao
Vorrei pubblicare il blog.
E ‘ancora un modo per onorare quei pastori che sono affetti da questa crisi in Sardegna, non’è la verità
Ti saluto con abbraccio
Lucinha